Vindmyllan á lokasprettinum

júní 15th, 2009

Vindmyllan sett upp á rólustatífið til að jafnvægisstilla hana fyrir lokaátökin:

From Vindmylluprófanir

Tannlaus

júní 2nd, 2009

Skarðið stækkar og stækkar:
Fyrri tönnin
Fyrri fór 15. maí og borgaði tannálfurinn 5 10kalla fyrir góssið.
Seinni tönnin
Seinni fór 2. júní og spurning hvað tannálfurinn greiðir fyrir hana….verðbólga og svoleiðis….

Og meðan tennurnar hrynja úr Ástu stendur Eygló í stað með sínar 16 tennur.
Eygló sveitamær

Myndir

maí 27th, 2009

“Nýjar” mars og apríl myndir hjá Eygló og Atla. Tenglar hér til hægri.

Stóri koddinn

maí 4th, 2009

Atli kom fram í stofu eftir að hafa verið farinn að sofa og sagðist ekki geta sofnað.
Atli: “Mamma hvar sefur þú?”
Ég: “Ég sef í rúminu mínu.”
Atli: “En hvar sefur pabbi?”
Ég: “Hann sefur í sínu rúmi, sama rúmi og mamma.”
Atli: “Það geta líka tveir sofið í mínu rúmi afþví ég á svo stóran kodda.”
Ég: “Á ég þá að koma og kúra aðeins hjá þér?”
Atli: “Jáhhh :)”

Febrúar…..myndir

apríl 29th, 2009

Soldið eftirá.

Febrúarmyndir á síðum Eyglóar og Atla.

Nei

apríl 20th, 2009

Eygló með geðveika kúkafýlu.

Ég: “Ertu búin að kúka Eygló?”
Eygló (hristir ákaft hausinn): “Nei”.
Ég: “Á ég að kíkja í bleiuna þína?”
Eygló: “Nei”.
Ég “Ertu alveg viss?”
Eygló: “Nei”.
Ég: “Á ég þá að kíkja í bleiuna þína?”
Eygló: “Nei”

Nokkur orð

apríl 13th, 2009

Eitthvað eirðarleysi og pirringur að hrjá mig eftir páskafríið. Finnst eins og ég þurfi að gera eitthvað mjög mikilvægt - man ekki hvað það er. Ákvað því að nota tímann í að taka saman nokkur orð sem hafa verið að bætast við orðasafnið hennar Eyglóar síðustu vikurnar. Hún er farin að geta gert sig ágætlega skiljanlega við okkur sem umgöngumst hana mest. Dugleg að læra ný orð og farin að segja önnur skýrar. Er tam búin að ná fullkomnu valdi á nafni bróður síns :)

En hér eru nýjustu orðin (sem ég man eftir):
La la = Lag, tónlist, syngja lag
Atli
Atta = Ásta
Epli
Bussur = Buxur
Bassi = Bangsi
Peysa
Úppa = Úlpa
Ha hetta? = Hvað er þetta?
Haddna = Þarna
Issi = Þessi
Hettur = Hestur
Kúkur
Beij = Bleia/Taubleija
Lúlla = kúra, sofa
kyssa
Kisa
Má = Mjá
Nei
Magi
Innigó = Inniskór
Bíli = Bíll
Hausi = Haus
Bla bla = bra bra = önd
Sita = Setjast/sitja
Koddu = Komdu
Moka
Góbbla = Skófla
Lutta = sulta
súsa = sósa
bitta = brettu upp ermarnar mínar
butta = bursta tennur
Búi = Búin að borða
Laddi = Læti
Sonna = Svona
Sjé = Sjáðu
Óliiiii óliiii = Óli skans

Og fyrst ég er byrjuð á ‘dagbók barnsins’ eina ferðina enn þá er ég komin í skuld við tannadagbókina. Það hefur hrúgast einhver slatti af tönnum upp í barnið síðustu vikur/mánuði. Skal telja þær við fyrsta tækifæri.

Eygló orðin hin mesta klifurmús og áhættufrík. Hleypur sófana þvera og endilanga af mestu snilld og notar hvert tækifæri til að setjast eins utarlega á ystu brún og hægt er. Prílar þar sem hægt er að príla. Vona að hún sleppi ósködduð í gegnum þetta tímabil. Það hefur gengið býsna vel hingað til.

Reyni svo að setja inn myndir við tækifæri. Bara alltaf nóg að gera á bænum og nú þegar vorið er loksins komið notar maður tímann frekar í að næla sér í nokkrar freknur. Eða hvað….

Janúarmyndir

mars 17th, 2009

Betra seint en aldrei.
Uppfærði albúm Eyglóar og Atla með janúarmyndum.

Fríða og dýrið

febrúar 22nd, 2009

Þó Eygló sé yfirleitt yndislega sæt og fín og prúð stúlka býr líka í henni lítið skrímsli sem rífur og tætir upp úr fataskúffum, hendir grjóti og leikföngum í klósettið, þyrlar skóm um alla íbúð, étur upp úr ruslatunnunni, gólar í þvottavélina og borðar með öllum líkamanum…öllu eldhúsinu reyndar. Hún er samt alltaf jafn ómótstæðilega sæt.

Stóra stelpan mín

febrúar 21st, 2009